Sunday, July 15, 2007

اكثر من مجرد اشياء

من يوم ما فتحت عنيا على الدنيا وانا متعود احب اى حاجه بتعتى وارتبط بيها اوى والموضوع ده محدش كان بياخد باله منه وانا صغير عادى ان اى طفل يتعلق بلعبه بتاعته او قلم او اى حاجه بس اللى مش عادى واللى الناس مقدرتش تفهمه ان اموضوع ده مكانش مجرد تعلق هيروح مع الوقت المشكله ان انا فعلا لما بستخدم حاجه او اشترى حاجه وتقعد معايا فتره ببدا احبها وتبدا تاخد جزى من مشاعرى مش ببصلها على انها اله او شى مصمت لا بتعامل معاها على انها شى بيحس عنده مشاعر بس مبيقدرش يعبر عنها والموضوع ده ماما لحظته اوى لما كنت بطلب منها انها تسيب كل حجاتى زى ما هى محدش يلمسها غيرى ولما كنت بحتفظ بكل ورقه صغيره كنت بشغبط فيها ايام الامتحانات بس هى مكانتش فهمه انا بشيل الحاجات دى ليه مع انها شيفه انها حاجات ملهاش لزمه الحاجه اللى خنقانى ومخليانى ماشى زى التايه هى سرقه الموبيل بتاعى وده كان بيمثلى احب شىء لقلبى هو وام بى ثرى الحاجتين دول كنت بحبهم اقوى وبحب كل الذكريات اللى كانت بتجمعنا واحنا فرحانين واحنا زعلنين كل الاوقات الموبيل كان بالنسبالى هو صديقى اللى معايا فى كل حته وكل مكان اللى بقاله معايا 3سنين كل يوم بيشل ذكرى 3سنين مكانش بيسبنى وانا صاحى او نايم كنت مخزن عليه كل حاجه الارقام اعياد الميلاد المفكرات الحاجات المفروض اعملها والحاجات اللى عملتها وهو اللى كان بيصحينى ايام الامتحانات وهو اللى كان بيوصل كل مشاعرىواحاسيسى لكل الناس اللى كنت بكلمهم منه كل الناس كانت بتطلب منى انى اغيره فى الايام الاخيره وانا اقولهم مالكوش دعوه وكنت بوعده انى مش هابيعه او اديه لاى حد تانى ولو حصل وجبت موبيل تانى هو هيفضل معايا برده مش هاسيبه كل ده خلى خبر سرقته مش سهل عليا بس انا اصلى مشكلتى ان محدش يقدر يعرف انا بفكر فى ايه او حاسيس بايه واشد لحظات حزنى هى اللى تلاقى فيها صوت ضحكتى اعلى من اى شى واشد لحظات فرحى هى اللى بتتسم بهدوء كائنى نايم الموضوع ده حسس الناس اللى حوليا ان انا معنديش دم ومش زعلان على الموبيل بس انا فعلا حاسيس ان انا ماشى تايه واللى زود الموضوع ان المبى ثرى باظ

4 comments:

maRo said...

I know tht feeling 3la fekra :),
m3lesh matz3alsh

masrawy 3'alabawy said...

el7amdo lelah 3ala kol 7al bas heya el moshkela fe3lan en el wa7ed olayel lama byl2y 7ad bya3taz be 7agato we ye2der yefham ya3ny eh 7aga da3et we keda

maRo said...

ana m5adtsh baly mn el 7kaya de 3'er lma 2areet ur post,eftkart en kont ba2ol lma 7ageb new mobile i'll really miss my old one badly,
i'm keeping my old camera (ma3 enaha bazet 5alas w ba2et 5orda),
it was hard to say goodbye to my old pc screen,msh 3arfa howa byb2a ta3awod wla relation bttbny m3a our own things.

masrawy 3'alabawy said...

hwa dh ely ana a2sodo bel zabt bas ana shayef en hya relation akter men enaha ta3awed we el 7agat de aked bt7ebena zay ma7na bnebaha we rabena ysam7o ely sar2a el mob:D