اه واه

كام اشتغلت يا نيل في نحت الصخور

مليون بئونه والف مليون هاتور

يانيل أنا ابن حلال ومن خلفتك

وليه صعيبه عليّا بس الأمور
عجبي

اه والف مليون عجبى يا عم صلاح

اه يا زمان التواهان

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي

!!!

اه ياعم جاهين محدش عايز يقولى انا مين

سالت كل شى حوليا لم جوبنى

وعجبى عليك يا زمان

ياللى الانسان ميعرفلوش فيك عنوان لنفسه

ولا حتى يعرف اسمه

تايهين جوانا مش لاقين ضى يدلنا على السكه بكسر السين

اقولك يدل مين يا عم دا احنا بقينا فى زمن سكه بفتح السين

فينك يا عم صلاح

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!