بارقه امل بين ظلمات الاستغلال

حركة مواطنين ضد الغلاء
من نحن: مواطنون ضد الغلاء حركة اجتماعية اقتصادية شعبية... غير مسموح فيها بتعاطى السياسة حتى تكون وعاء جامعاً لكل المصريين بكافة انتمائتهم السياسة و العقائدية الهدف: تشكيل اتحاد عام للمستهلكين المصريين حتى نشارك جميعا فى الحد من غلاء الأسعار قبل أن يستفحل خطر الغلاء ويستأسد المحتكرين .أعضاء الحركة: مثقفون و شعراء و كتاب و فنانون و مواطنون مصريون من جميع الاتجاهات السياسية و العقائدية بدون أي تمييزما يتم انجازه: برعاية حركة مواطنين ضد الغلاء نبدأ بعون الله فى أنشاء جمعية تعاونية فى كل محافظة , حسب المعايير الدولية , و يجمعها إتحاد عام واحد , على أن تمارس عملها بشكل مستقل عن الأجهزة الحكومية و تطبق المعايير الدولية للحركة التعاونية .و تقوم بشراء المواد الاساسية بشكل جماعى سواء من المصانع المصرية أو بالاستيراد من الخارج , للحصول على ميزة الحجم الكبير و كذلك لكسر حلقات الوسطاء و المحتكرين التى تتلاعب الاسعار و تقوم بتعطيش السوق ثم رفع الاسعار كما يحلو لها .... هذه هى خطوتنا العملية الاولى ... ولناا وسائل أخرى لارشاد المستهلك و محاصرة المستغلين و من أفكارنا: التـعــاون ضـد الغــلاء الغيـر مبـــررالقائمة السوداء للسلع المضروبة القائمة والبيضاء للسلع الجيدة و السعر المناسب ,تعاون المستهلكين جزء من الاقتصاد الحر القائمة السوداء للغشاشين و الجشعين , من أجل رقابة شعبية حقيقية و فعالة على الاسواق انضم لحملات المليون ايميل ضد المستغلينللإستفادة من تجارب العالم المتقدم , التعاون ضد السلبية و اللامبالاة الاسعار عندنا و الاسعار فى بلاد بره المغالاة فى الارباح = الاستغـلال ,و شهادة جودة يمنحهـا المستهلك و والتعاون لكشف الجشع و الاحتكار )المستهلك لن يكون ( حيطة مايلة ) , كيف يؤثر المستهلكون فى أليات العرض و الطلب ؟ , بالوثائق نكشف الجشع و الاستغلال

هذه الكلمات نقلا عن الجروب الخاص بالحركه من موقع

http://www.facebook.com/group.php?gid=13559210439

اما الان فانا ارى ان الشعب المصرى لم يعد ذلك البركان الخامل امام كل الاستفزاوات التى يواجهها ولكنه بداء فى احتراقه الدتخلى لكى يعبر عن ثورته ويعلن انه هو وحده من سيحدد مصيره وبيده سوف يزرع للغد

ويعبر للامام على سواعد ابنائه الشرفاء الذين اتخذو مسئوليه نصرته على عاتقهم

وانطلاقا من هذه الحركه التى قررت رفع العبء عن الشعب المصرى بطبقاته المطحونه نطالب كل مصرى بان ينفض عن ساعده اتربه الكسل والتواكل وان يمضى قدما فى العمل من اجل بلاده

الله الموفق

انسان جديد

انا
يمكن اول مره فعلا حاسيس ان انا سعيد وانا بكتب فى مدونتى اللى انا سيبها ومش سائل فيها بقالى فترة كبيره حاسيس بسعاده كبيره جدا مش عارف مصدرها بس انا فعلا سعيد جدا الحمد لله اول مره اعرف ان سر تحولى كله او النقطه اللى كانت هتغير حياتى هى ان الكمبيوتر بتاعى يبوظ
كنت عايش فى اطار من المواقف المتكرره واليوميه الممله لحد ما الكمبيوتر باظ ومن ساعتها حياتى اتبدلت لقيت الانسان الجميل اللى جوايا اللى بيحب يمسك القلم الرصاص والورق ويرسم واللى بيحب يمشى فترات كتيره وسط الشوارع الاثريه والشوارع اللى مليانه بالناس الطيبين
وبعدت عن التكنولوجيا والكىبورد اللى مكانتش بتفارق ايدى
زمان كنت فاكر ان الحياه كده طبيعيه وحلوه بس اكتشفت ان جوايه انسان حقيقى يستاهل انى ابعده عن هيمنة الكمبيوتر عاليه وابعده عن كل الحاجات اللى بتخنقه وارجعه للحاجات اللى بيحبها زى قرايه الكتب فى كل المجالات وكل الاتجهات الفكريه فعلا انا كنت ظالم نفسى جدا يمكن تعبت كتير فى اول اسبوع من غير نت او كمبيوتر بس متخيلتش ان فى تعبى ده هلاقى راحتى وسعادتى واحس انى بقيت انسان جديد
من الحجات اللى فرحتنى قوى قابلت واحد صاحبى امبارح وقالى انه نفسه يمشى فى حتت اثريه وف
قلت لازم اخليه يحلف باليوم ده ورحت واخده وماشى من عاند الجامعه لحد التحرير ومن التحرير لحد شارع بورسعيد ومن هناك لحد الحلميه الجديدة وفرجته على الجوامع الاثريه اللى هناك وبعدين طلعنا على القلعه ومن القلعه على السيده زينب من شارع مسجد احمد بن طولون ومن السيده زينب لحد كوبرى الجامعه ومن هناك لحد باب الجامعه الرئسى وهناك اكتشفنا ان احنا بقلنا تلات ساعات ونص ماشين وللعلم احنا خدنا كوبرى الجامعه جرى بس وسبته وروحت وهو فرحان بس انا كنت فرحان اكتر منه ومن لحظنها وانا عرفت انا قد ايه بظلم نفسى وقررت ان كل شى وليه حد

كلمات

لولم اعرف غيرها من جنس النساء

لقلت ان كلهن خائنات

ولكنى رايت نقيض الفعل من مثيلاتها

فعلمت ان ليس كلهن سواء

وعلمت ان الخيانه داء

يتنفس بين طبائعها

وكل بنات جنسها منه ابرياء

شرابى مخروم

شرابى مخروم وحالى معدوم بس مش مهموم وجيبى فاضيان بس مش قرفان بامشى بين الناس وادفى نفسى بالاحساس اللى خارج من قلوبهم واجرى ورا الاتوبيس واتشعبط فى الميكروباص واسطعبط ومادفعش فى المترو واجرى فى وسط الشارع وازعق بصوت عالى بحبك يا مصر وامشى لواحدى باليل افتكر الليالى الخوالى والجميل اللى كان شاغل بالى وابدا اتملى هموم اقرر اقوم واجرى ومن فوق الكوبرى ارمى كل الهموم للنيل واقوله خاليها ومطلعهاش واروح استخبى بين الناس واساعد واحد بيعدى الطرق واواسى واحد فقد صديق وادل واحد تايه على الطريق واضحك لطفل بيلعب على كتف مامته واقولو بعنيا لازم تحب مصر واجرى واشوط الكره للشباب اللى بتلعب فى الشارع ادام الجامعه واقلهم فى سرى بكره مصر احلى واقوم واقعد الراجل العجوز فى الاتوبيس واقوله ياجدو الدنيا كلها خير واشيل للست المشنه من فوق راسها وانزلهالها واقولها اى خدمه يا امى وتقولى رابنا يخاليك يابنى اقول فى سرى يخالينى بس يخالينى لمصر وارجع لبتنا اللى مستخبلى بين البيوت واجرى على السلم وانا بقول لاوضتى واحشتينى وبسرعه افتح الباب واترمى على سريرى واحضن مخدتى وابص لشرابى الاقيه مخروم اقول مش مشكله طالما انى مش مهموم

NoOoOoO comment

اكثر من مجرد اشياء

من يوم ما فتحت عنيا على الدنيا وانا متعود احب اى حاجه بتعتى وارتبط بيها اوى والموضوع ده محدش كان بياخد باله منه وانا صغير عادى ان اى طفل يتعلق بلعبه بتاعته او قلم او اى حاجه بس اللى مش عادى واللى الناس مقدرتش تفهمه ان اموضوع ده مكانش مجرد تعلق هيروح مع الوقت المشكله ان انا فعلا لما بستخدم حاجه او اشترى حاجه وتقعد معايا فتره ببدا احبها وتبدا تاخد جزى من مشاعرى مش ببصلها على انها اله او شى مصمت لا بتعامل معاها على انها شى بيحس عنده مشاعر بس مبيقدرش يعبر عنها والموضوع ده ماما لحظته اوى لما كنت بطلب منها انها تسيب كل حجاتى زى ما هى محدش يلمسها غيرى ولما كنت بحتفظ بكل ورقه صغيره كنت بشغبط فيها ايام الامتحانات بس هى مكانتش فهمه انا بشيل الحاجات دى ليه مع انها شيفه انها حاجات ملهاش لزمه الحاجه اللى خنقانى ومخليانى ماشى زى التايه هى سرقه الموبيل بتاعى وده كان بيمثلى احب شىء لقلبى هو وام بى ثرى الحاجتين دول كنت بحبهم اقوى وبحب كل الذكريات اللى كانت بتجمعنا واحنا فرحانين واحنا زعلنين كل الاوقات الموبيل كان بالنسبالى هو صديقى اللى معايا فى كل حته وكل مكان اللى بقاله معايا 3سنين كل يوم بيشل ذكرى 3سنين مكانش بيسبنى وانا صاحى او نايم كنت مخزن عليه كل حاجه الارقام اعياد الميلاد المفكرات الحاجات المفروض اعملها والحاجات اللى عملتها وهو اللى كان بيصحينى ايام الامتحانات وهو اللى كان بيوصل كل مشاعرىواحاسيسى لكل الناس اللى كنت بكلمهم منه كل الناس كانت بتطلب منى انى اغيره فى الايام الاخيره وانا اقولهم مالكوش دعوه وكنت بوعده انى مش هابيعه او اديه لاى حد تانى ولو حصل وجبت موبيل تانى هو هيفضل معايا برده مش هاسيبه كل ده خلى خبر سرقته مش سهل عليا بس انا اصلى مشكلتى ان محدش يقدر يعرف انا بفكر فى ايه او حاسيس بايه واشد لحظات حزنى هى اللى تلاقى فيها صوت ضحكتى اعلى من اى شى واشد لحظات فرحى هى اللى بتتسم بهدوء كائنى نايم الموضوع ده حسس الناس اللى حوليا ان انا معنديش دم ومش زعلان على الموبيل بس انا فعلا حاسيس ان انا ماشى تايه واللى زود الموضوع ان المبى ثرى باظ

وبعثتنى من جديد

نعم هذا هو انه كما اردت تماما تابوت من الخشب منحوت ببراعه على هيئه انسان ويتميزايضا بالمرونه وكل صفات الجسم البشرى غير انه لاتتغير ملامحه الحاده حيث انها لا تلين ولا تتعاطف بل تمكث على حالها الصلب نعم انه يحمل تلك الصفات التى اردتها فى الشى الذى قررت العيش بداخله بقيه عمرى نعم سوف احيا بقيه عمرى داخل هذا التابوت الخشبى لكى احافظ على كل ما املك من مشاعر واحاسيس واحلام وامانى وتصورات وخيالات نعم ساضع نفسى وكل ما املك داخل هذا التابوت لقد حفظ القدماء تراثهم بل واجسامهم داخل توابيت خشبيه لكى تخلد امد الدهر وهذا كل مانويت فعله ولكننى سوف استمر فى الحياه من داخل هذا التابوت اعامل الناس ويعاملوننى دونى ان يراى احد منهم مشاعرى او تعبيرات وجهى لانها اسما من ان يراها احد نعم سوف اجعلهم يرون تلك الوجه الخشبى حاد الملامح سوف اجعلهم يعتقدون اننى احيا بلا مشاعر او احاسيس او حتى تعاطف من اى نوع نعم هذه هى الطريقه الوحيده للحفاظ على ما لدى من مشاعر واشياء جميله .........ومرت سنين وانا داخل هذا التابوت لا احد يعرف بماذا اشعر او ماذا اريد او متى اتالم متى افرح متى اندم كل تلك الاحاسيس كانت ملكى انا واحدى لايرون امامهم الا الانسان الصلب حاد الملامح والصفات ذو العينين البراقتين الامعتين دائما لا تهزه سيره الموت ولا تزرف دموعه ولا يفرح فتنتغز وجنتيه ولا اى شى من هذا القبيل ويتهم الحب دائما على انه شى غير موجود اوانه من كتر عيشه داخل التابوت فقدت هذه الكلمه معناها داخل قاموس مصطلاحاته.......
ومن بين كل هذا الزحام اتى بصيص نور من بعيد فاخترق من بين تلك الفتحات الضيقه بين اخشاب هذا التابوت وبدا ينير لى واتى ذلك الصوت الملائكى من بعيد لكى يغمرانى بالدفء الذى افتقدته تلك السنوات الطوال وبدات ترتد الى تلك المعانى والمصطلاحات التى كنت اتخيالها قد ذهبت بلا عوده من قاموسى وبدات برفق تتغلغل داخل شراينى وتجرى منى مجرى الدم مما وهب لى الحياه مره ثانيه ففزعت من مرقدى ودمرت تلك التابوت الخشبى لكى احيا بجانبها واحميها بين ذراعى ما بقى من عمرى فهى التى بعثتنى من جديد

حيره....... وانتظار

لم اعرف قط معنى لهاتين الكلماتين الا فى الايام القليله الماضيه لاننى كنت اؤمن ان هناك دائما وسيله لاخراج ما بداخلى والتعبير عنه وفى اغلب الاحيان لم اكن فى حاجه للافصاح عما بداخلى لاننى ارى انه يخصنى وحدى وليس من شان احد ان يعرف شى عنه ولكن يجتاحنى هذه الايام شعور غريب فاللمره الاولى تتخبط الافكار ببعضها البعض داخل منحنيات عقلى الملتفه حول بعضها ولاول مره تعجز الكلمات عن وصف ما بداخلى وتعجز ايضاعن تصوير افكارى فى شكل يتقبله من حولى بل تمردات الافكار على ان تخرج بواسطه تلك الكلمات الباليه المتهالكه وبين كل هذا اقف متحيرا لا ادرى ماذا افعل وفى نفس الوقت اقف مترقبا منتظرا ولكن ماذا انتظر لا ادرى فحتى هذا الامر عجز عقلى عن اخبارى به ولكن الى متى ساظل منتظرا هذا هو السؤال

يومين فى الاضمحلال وتلاته فى اللاوعى

وده كان عنوان اسبوع الامتحانات العملى بتاعى فى الكليه لانى مكنتش مترجم اى زمان ولا مكان او احدثيات وجودى على كوكب الارض كل اللى كنت عارفه انى بخاص امتحان علشان ادخل فى اللى بعده وهكذا مفيش وقت تعمل اى حاجه غير انك تذاكر سعات كتير اقوى كنت بكسل ارد على الموبيل وسعات اكتر كنت بروح فى غيبوبه وانا اقعد اذاكر لانى كنت بطبق ايام كتير من غير نوم بس رغم كل ده انا كنت فرحان بنفسى حسيت انى رجعت شويه زى زمان وطبعا انتقمت من كل ده بالخروج واللف فىكل مكان بعد اخر امتحان واسيبكو بقى لانى عندى امتحان بكره

حوار بينى وبين قلبى

قلبي:معك حق ساظل كالماكينه تتفانى فى العمل من اجل غيرها

فلاش باك

قلبى:لن اظل هاكذا انبض لكى تنعم بالحياه وانت تتجاهلنى وتعاملنى كاننى ماكينه تمدك بالحياه وليس لها عليك حقوق
انا:ماذا دهاك ياقلبى الم اعهد اليك ان لا ادع احدل يصل اليك ليعذبك على ان تسمع اوامرى ولا تعترض
قلبى :قلت انك ستحمينى ولم تقل انك ستحولنى لشى جامد لايشعر ولا يحس ولاحق له فى التعبير عما بداخله
انا :نعم هاكذا تكون فى امان هاكذا تظل بعيدا عن الفتن ام تريد ان اتركك تهوى من تشاء وتعجب بمن تشاء لا يقلبى لا فانت مازلت نظيف ابيض الامال ولا تعرف شى عن دنيا البشر
قلبى:نعم اريد ان اكون مثل كل القلوب اهوى وانبض بالحب واشتاق واتالم وافرح عندما ارى من احب
انا:مهلك ياقلب فالطريق ليس ممهد كما تتصور فانت تعرف الحب ولكنك لا تعرف العذاب وتعرف الاعجاب ولاتعرف الجحود وتعرف الاشتياق ولا تعرف البرود
قلبى:مالى وماتقول اما ان تتركنى احب واما ان اتركك بلا نبض
انا: اما وانك لا تريد ان تصغى الى اليك هذا اتركك تعجب بمن تريد وتعدنى ان لا تحب فقط اعجاب
قلبى:وانا بهذا الوعد من المرحبين
وبعد كثير من الاعوام
انا:مالك لاتنسى هذا الوجه هذه الملامح والابتسامات وتظل تذكرها ليل نهار
قلبى :مالك ومالى اما قلت اعجب بمن اشاء
انا:نعم لكن شاهدت وعرفت الكثير واعجبت بالكثير ولكن ما رايتك متمسك بالحد مثل صاحبه هذا الوجه
قلبى:نعم فقد احببتها واريدك ان تفصح لها عن هذا الحب
انا:ولكنك قد خنت الوعد ولذا لن اصارحها بحبك لها
قلبى :لم اخن العهد ولكن فطرنى ربى لكى احب وما ارانى قد ارتكبت جرما
انا:الم اقل لك ان الحب شى لاتقوى عليه
قلبى :لا انها ليست ككل البشر انها ملاك تمشى على الارض ولا تعرف الجحود ولا تقوى على ان تعذب احد
انا: مامن ملائكه على الارض انهم يبدون هاكذا الى ان يتملكون القلوب ثم تظهر انيابهم فيمزقون ويسحقون دون رحمه ولا رئفه
قلبى:لا لا تقول عليها هكذا
انا : اذا هذا فرق بينى وبينك فسوف نرى ماذا تفعل الايام
قلبى: وهو كذالك
............. .......

وفى غفله منى امر قلبى لسانى لكى يخبر حبيبته بحبه لها

.................... .........
انا :ماذا فعلت بك لكى تفعل بى هاكذا
قلبى: مافعلت شى ولكنى ارادت ان اجعلك سعيدا اما كنت فى غايه السعاده عندمه ردت على وقالت انها تحبك ايضا
انا: نعم احسست بالسعاده لكنها سعاده تحمل وراءها خوف دائم من ان تتعلق بشخص ثم يتركك فهاذا جرح لا يداويه دواء
قلبى: ولما الخزف الم تعدك بان لا تفترق ابدا فلم القلق اذا انت لا تعترف انى قد اخذتك الى السعاده التى كنت تفتقدها انا الذى اخرجك من سجنك المظلم الى الدنيا ذات الضياء والالوان انا من جعلك تخلع عباءه الحكمه وترتدى زى الشباب
انا: وهذا ما اخاف منه فمن الصعب ان تعيش سعيدا وتتركك الدنيا الم اقل لك ان ليس من طبع الليالى الامان
قلبى: لاتخف فانت بجانبها تتغلب على كل شى يهون كل شى فى هذه الحياه مادام هناك قلب ينبض بحبك
انا:سوف اترك الامر لك حتى تتصرف كيف تشاء
قلبى :ولن تندم ابدا فالحب سيد الاشياء

وبعد فتره ليست ببعيده جاء قلبى وهو ينزف

انا: ماذا حدث لك
قلبى : اما ترانى اقطر دم اما تمد الى يدك تداوينى
انا: ولكننى يجب ان اعرف الداء لكى اجد لك الدواء
قلبى: لقد خدعت خدعتنى من افنيت كل شى فى حبها وتراكتنى انزف ولم تلتفت ومضت غير مباليه
انا: ها قد عانيت والان ايقنت مغزى كلامى ولكنى لن اتركك تنزف كما فغلت انت من قبل اسوف ادلك على سر السعاده التى لا تفنى وتتجدد بها مبهجات الحياه
قلبى : لا اريد سعاده بل يكفينى التلفح بالسواد
انا: لا...... سر الحياه فى ان تسخر نفسك فى خدمه من حولك دون انتظار الثواب لكى تجعل جميع من حولك سعداء ويكون اجرك ودافعك على الاستمرار فى الحياه هى الابتسامات التى ترسمها على وجوه من حولك هكذا الحياه تمتلى بالاهداف والمعانى
قلبى : معك حق ومن الان سوف اصبح اّلة لضخ البهجه والسرور فى قلوب من حولى
معك حق ساظل كالماكينه تتفانى فى العمل من اجل غيرها
انا وقلبى

رساله من داخل البرطمان

طول عمرى شايف نفسى البنى ادم الناجح اللى بيوصل للى هو عايزو مهما كان او مهما حصل ديما واثق من نفسى من خطواتى حركاتى همساتى حتى انفاسى كانت بتاتسم بنفس الثقه اللى كانت نبعه من ايمانى بنفسى وقدراتى وكنت ببص للناس الهايفه او الفشله او بختصار اللى عايشين مسيرين يعنى اى حاجه حواليهم بتتحكم فيهم على انهم قاعدين جوه برطمان ازاز متكاربسين فوق بعض او كل واحد فى برطمان متفرقش المهم انهم فى البرطمان وكنت بشفهم كده علشان اللى جوه برطمان ده مبيسمعش اى حاجه بتحصل حواليه وبيشوف كل العالم من حواليه بيتحرك وهو مش اقدر اومش عايز يعمل حاجه وطبعا هو شايف ان لو جه حد وشاط البرطمان او اقعد يزقه يمين وشمال هو ميقدرش يعملو حاجه لانو محبوس جوه البرطمان
ده كان زمان اما دلوقتى انابقى زى الشاطر جبت برطمان جامد ورحت قاعد فيه وبقيت سلبى للغايه ولا اتحرك الا داخل برطمانى الجديد ولاافعل اى شى سوى السلبيه وتبقى الاسباب والدوافع دافينه عقلى الباطن والى ان يتم استخراج تلك الاسباب والدوافع من عقلى ومعالجتها سوف اظل حبيس البرطمان وديه اول رساله من جوه البرطمان

يا اسكندريا يا غرامى

اول لما بسمع اسمها بيحصلى حاجه غريبه وينتابنى شعور غريب اوى بحس ان فى جزء منى ناقص والجزء ده موجود هناك بين سماها وبحرها بين شوارعها واهلها وحواريها ومحلاتها وبين بيوتها ومبنيها اللى كل مبنى منهم مخبى وراه سر وحكايه وقصه

فى ناس كتير غانت لها وقالت فيها اشعار بس بردو هيفضل حبها
سر جوه قلب كل اللى بيحبوها ومحدش منهم عارف ايه اللى بيشدو ليها بس حكايتى معاها مختلفه خالص
انا من وانا صغير وانا بموت فيها بس ماكنتش بحبها علشان انزل البحر او كده كنت بقول يمكن بحبها علشان مسافرتش غيرها
بس لما كبرت ولفيت مصر من شرقها لغربها واصبح لي صحاب فى كل حته ولى ذكرى فى كل محافظه اكتشفت انها ليها طعم تانى غيراى مكان سافرتو او قعدت فيه
وكبر معايا احساسى بحبها وحسيت انها امى او مراتى لدرجه انى كل لما ببعد عنها بحس ان روحى بتتسحب منى وتروح تطير حوالها ولما الشوق يقتلنى واقرر انى اروح لها اقعد طول الطريق بابص فى الساعه عامل زى الطفل الصغير لما يقلولو انه هيشوف مامتو او حد بيحبو ومابين كل بصه فى الساعه والبصه التانيه اطل بعنيا على الطريق المعاكس وزى ماكون بسال الناس اللى راجعه من هناك اسئله بس بعنيا بقولهم هى عامله ايه وازاى قدرتو تسبوها وتمشو واكيد هترجعولها تانى صح ولما ازهق من الاسئله اللى ملهاش ردود ارجع تانى ابص فى الساعه
واول لما اوصل روحى ترد فيا تانى واحضنها ا بكل مافيا سمارى يحضن شمسها وسدرى يحضن هواها واحضن بعنيا كل حاجه فيها شوارعا تماثلها مبانيها ووشوش اهاليها ورجليا تبوس ترابها
واقعد الف فيها لغايه متعب وساعتها اترمى فى بحرها واقعد اداعب بحراها وهو يداعبنى ولما اموت من الجوع اطلع واروح اتغدى وبليل احلىباحلى ايس كريم من عند عربيه الصعيدى وديه بقى اكتشاف اهم واحد فى اسكندريا يمكن بالنسبه لى وهو محمد الخواجه واروح عند القلعه واقعد ابص للبحر واشكي له همومى ويرد عليا بامواجه الى بتغرق وشى زى مايكون بيمسح باديه الحزن عن ملامحى وبعد شويه اقوم اتمشى انا والخواجه على الكورنيش لغايه لما الدنيا تفضى عالينا وبعدين نركب ونروح المحطه ونسهر مع بعض فى القهوه اللى جنب المحطه لغايه معاد القطر بتاعى وساعتها بيبقى متهيق لى انى اقدر ابعد عن اسكندريا بس اول لما القطر بيتحرك بحس ان روحى بتنسحب منى تانى من الواضح انى اتكتب عليا اعيش فى القاهره وروحى تعيش فى اسكندريا
واه يااسكندريا

الحريه يا

الحريه اختلف ناس كتير قوى فى تعريف الحريه كامصطلح لكن اتفقوا كلهم على انها بتكفل الحقوق للناس وتقريبا ديه الحته اللى احنا فهمناها من تعريفات الحريه زى بالظبط محمد صبحى فى مسرحيه تخاريف لما كان عامل دكتاتور وقال" ان هو قرا كتاب عن الاشتراكيه بيقول ان الاشتراكيه دى معناها ان الشعب كله يشتغل عند الحكومه والحكومه هى اللى تكوش فى الاخر وبعدين هناء الشربجى قالتلو بس كمل الكتاب لان الاشتراكيه مش كده قالها اكمل الكتاب ليه وهو ده الجزء اللى انا ناوى اطبقه"
هو ده فعلا اللى احنا بنعملو او اللى بيتعمل فينا ياعنى باختصار مفيد الحريه فى بلادنا متلخصا فى الاتى
من حقك تتظاهر ومن حقى ارميك ورا الشمس
من حقك تعترض ومن حقى احبسك
من حقك تبقى صحفى وتكتب ومن حقى ابيتك فى المعتقل
من حقك تفتح صحيفه وتعارض فيها ومن حقى اقفلهالك
من حقك تعمل حزب سياسى ومن حقى اهمشهولك
من حقك تدخل الانتخابات بجميع انوعها ومن حقى اسقطك فيها
من حقك تدون ومن حقى اقفلك مدونتك واقبض عليك
واذا كان عاجبكوا

BaCk AgAiN

ana rge3t tany lel tadwen ba3d modet enketa3 we a3da fe el bet kant btatasem bel salbya we el l2 mobalah tab3an ana 3aref en ento bema enoko mo3gabeny we bt7ebo postat bta3ty konto za3lanen lama ana batalt akteb bas 5alas matez3alosh anarge3t akteb tany hahaahahahahahahhaahahhahahah ma3 eny 3aref en ma7adesh asasan bye2ra postat bta3ty wala ya7zanon bas yala ay 7aga a7ases baha nafsy eny leya mo3gaben..........................

بعد اللى حصل انهارده

طبعا البوست ده متاخر اوى بس تاريخه هو فى نفس اليوم اللى حصلت فيه الاس تف تاء على راى جريده الدستور المهم هو مش بوست بمعنى الكلمه هو شويه حجات بحاول اراتبها فى راسى من يوم اللى حصل بس مش راضيه تترتب بس ناويت اقولهاعلى طول طبعا يوم الاس تف تاء كنت متوقع رد فعل من الشعب تعليق على التعديل ده لدرجه انى كنت متخيل ان فى شوارع هتتقفل وان فى ميادين هتتملى عساكر وهيبقى يوم يدخل التاريخ من اوسع ابوابه وان كل وكلات الانباء هتتكلم عن اليوم ده وقولت خلاص بقى هنتولد من جديد خلاص كل واحد فى الشعب ده هيطلع نفسه من البرطمان اللى هو عازل نفسه فيه عن العالم وياخد موقف ايجابى لان الموضوع كان اكبر من كل حاجه المره دى الموضوع مكنش مجرد حاجه هتتطبق عليه وهو هيقبل بيها ويحاول يكيف نفسه عليها لا الموضوع المره دى كان متعلق باللى بيحصل واللى هايحصل لينا ولولدنا وولاد ولادنا الموضع المره دى هو الدستور الى لما بنحس بظلم من اى جهه عامه او حكوميه او اى جهه كان دايما هو اللى بيحكم بينا وهو اللى بيحفظ حقوق كل واحد وادميته علشان كل الحجات دى فى نظرى كان لازم يكون يوم غير عادى واستنيت اليوم ده وانا كل لماحد يقولى يابنى دى مره زى كل مره اقوله لا المره دى معدن الشعب الاصيل هيظهر
المهم جه اليوم صحيت الصبح رحت الجامعه كان عندى سكشن بس غريبه مفيش حاجه فى الشارع عادى انا مش ساكن فى ميدان التحرير وانا قدام الجامعه ايه ده مفيش عساكر ولا ظباط اه اكيد كلهم فى ميدان التحرير والحتت اللى فيها مظهرات مكسره الدنيا ثم ان لسه بدرى الساعه 8:30 المهم طلعت ودخلت السكشن مفيش اى حاجه مش عاديه خلصت وقلت اروح بدرى علشان اعرف اليوم هايمشى ازاى رجعت البيت لاقيت اختى قلتلها ايه الاخبار قالتلى ولا فى اى حاجه كل شى ماشى عادى اتفزعت وخدت الريموت واقعت اقلب فى قناوات الاخبار اللى مكانتش جايبه اى حاجه اطاريت اسف انى افتح الاخبار المحليه ولقيت الاتى المؤتمر على الهوا ومعاهم ناس معرفش مين ولامنين بس كل اللى كانو بيقولو ان ازاى التعديلات الدستوريه هتساعد الشعب وكده ياعنى وشويه مراسلين من شويه محافظات من قدام اللجان بيتكلمو عن اقبال الناس منقطع النظير وطبعا الصوره وراه فاضيه ولا فيها ولا واحد داخل ولا واحد خارج وكان بيتكلم كمان عن زياده وعى الشعب المصرى اللى رايح يدلى بصوتوا وعمل لقاء مع احد الافراد اللى خارجين من اللجنه وسالو ايه رايك فى التعديلات راد وقال طبعا التعدلات دى علشان مصلحه الشعب والبلد وكل اللى يعرفو الراجل ان التعدلات دى حلوه وطيبه وكويسه وبنت ناس وشويه وانا كان صابنى حاله ازبهلال محاطه بقليل من العته وعنيه بحلقه وجالى تخلف وفى الوقت ده جابو متحدث باسم وزاره الدخليه وقال ان مفيش ولا سياسى ولا متظاهر واحد رهن الاحتجاز ولا رهن التحقيق حتى وان فى اربع متظهرين راحو عند لجنه الاس تف تاء فى كفر الشيخ لقيوا نفسهم لو حدهم لفو ورجعو وان اليوم ماشى عادى طبعا انا مبقتش عارف انا حاسسس بايه ومن ساعتها وانا مش عارف ازاى او ليه ده حصل
رابنا كرامنى وبعد يومين عرفت ازاى ده حصل كالاتى قابلت حد صاحبى قالى ان الظباط خدو بتوع حركه كفايه اللى كانو معتصمين قبل الاس تف تاء بيوم فى التحرير وراموهوم فى الصحرا وسابوهوم ورجعو ا
وشويه واحد تانى قالى ان باباه كان مساعد رئيس لجنه وجالو واحد قالو يكتب ورق ويمضى للناس وكدا يعنى وبابا صاحبى رفض بس الموضوع خرج من ايده واقنعو رئيس اللجنه انو يعمل هو الموضوع ده
شويه وسمعت عن مدرس اعرفه كان مراقب فى لجنه ولما كان فاضل نص ساعه على الوقت وينتهى وكان جه اللجنه 75واحد من اصل 1500متقيدين باللجنه المدرس طلع متعاون وافق انو يكمل هو بقيه اللجنه علشان ميتعبش الناس وينزلهم من بيوتهم وكان الموضوع ده مقابل 100جنيه ياعنى باع بلدو ب100 جنيه
بعد كل الكلام ده حصل الاتى
جالى حاله سرحان وعته وتخلف عقلى و فقدان ذاكره مقصود و سلبيه وحاله من الا مباله غريبه هذاوقد اعلنت جميع خلايا جسمى العصبيه واللى متخذا مخى وعامودى الفقرى مركزا لقياده عمليتها مسؤوليتها عن الحادث
وكان مطلبها الوحيد للافراج عن جميع افكارى ومشاعرى المحتجزه لديها هو
الغاء معاملتى تبعا لحقوق الانسان وبدا معاملتى تبعا لجمعيه الرفق بالحيوان يمكن نعرف نحس بكرامتنا

بس يا ولد عيب

العيب

العيب دى كلمه بنسمعها كتير اقوى فى حياتنا اليوميه وهنتكلم عنها باستفاضه انهارده

المعنى الحرفى لكلمه العيب فى قاموس المصرين: ان دى حاجات مينفعش نعملها والا هنتعاقب اوالناس تبصلنا بصه مش هى وكده يعنى

المغذى اللغوى عند المصرين: دى كلمه هما اخترعوها واقعدو يكبروها لغايه مابقو بيخافو منها حاجه كده زى ابو رجل مسلوخه وامن الغوله اللى ملهمش وجود اساسا وما زال فى ناس بتخاف منهم

دلوقت هنرغى كالعاده

العيب زمان

المصرين كانو بيخترعو الكلمه دى علشان يستخدموها فى الحد من التقليد والعادات الاخلاقيه الغير مرغوبه ولغايه حد معين كان الموضوع مقبول وكان كل شىء تمام والناس مكانتش بتعمل حاجه عيب ولا كانت بتخالف التقاليد والعادات الغير مستحبه

العيب دلوقتى

لكن لما بدات الكلمه تكتسب شعبيه ويكون ليها معنى مسموع وسلطان قوى على تصرفات الناس بدا المصرين ان هما يستخدموها لارضاء اهوائهم بمعنى ان اى حد بداء يشرع العيب على مزاجو يعنى مثلا الاب يقول للابن عيب تلعب مع فلان ليه من غير ليه هو عيب وخلاص والام تقول لبنتها عيب تكلمى فلانه هكذا اصبحه الكلمه ده خضعه لاهواء اللى عندهم سلطه البت فى المواضيع زى الام والاب والمدرس وكدا يعنى

دى مصايب مش عيب

المشكله دلوتى بقت فى المجتمع بمعنى ان الناس بقت بتخاف من المجتمع وكأنو حاكم الكون يعنى الواحد لوعايز يعمل حاجه وهو عارف ان هى حلال ومفهاش مشاكل بس المجتمع شيف الحاجه دى عيب هو مش هيعملها ولو فى حاجه اساسا حرام والمجتمع شايف ان هى عادى هتلاقيه اول واحد بيعملها وطبعا الامثله كتير وانتو عارفنها

حاجات العيب بريء منها ولازم تتغير

يعنى من اللى قال ان الست المطلقه عيب وينفعش الوحده تطلاء من جوزها

لا الاحسن ان هى تفضل عيشا معاه حتى لو بيمسح بكرمتها الارض

طب لما هو كدا انشا الله ربنا كان حلل الطلاق ليه

ومن اللى قال ان البنت لو عدت سن ال26 ومكانتش مجوزه يبقى عنست

ثم ايه معنى عنست دى طبعا الموضوع ده بيخلى كل افراد العيله تجرى فى الموضوع ده من اول لما البنت تم 18 سنه وبما فيهم البنت بتلحق توقع لها ولد لقطه لحسن تعنس

طبعا الحاجات دى مش موجوده غير فى قاموسنا احنا بس فيها ايه لو البنت متجوزتش خالص حتى ومفيش حاجه اسما تعنس ولااحنا لازم نحرق دم الناس

ضل راجل ولا ضل حيطه وهو راجل والسلام

دى العباره اللى نا بسميها هادم الامال يعنى دى العبارة اللى بتتقال لاى بنت كبرت شويه فى السن حصل لها ظروف لما يجلها عريس نص لبه وعلى العباره دى بتتحطم سفينه احلام البنت المسكينه اللى مجتمعها حكم عليها بعقول مصديه ورجعيه ومتخلفه

انا بقى بقولها ضل حيطه

الراجل مينفعش يتجوز واحده اكبر منه

ليه بقى انشا الله هى هاتكله ثم فلنفرض انه حبها يروح ينتحر علشان المجتمع وعجبى

حاجه من الحاجات اللى لازم تتغير هى نظرت المجتمع للمراءه على انها اداه لاشباع الغرائز وتابلو جميل لازم يتحط فى بيت راجل علشان هى لا زم تكون فى حمايه الراجل مع العلم ان فى ستات بمئه راجل لازم المجتمع يبداء يعامل المراءه على انها كأن قائم بذاته ليه مشاعر واحاسيس وعواطف وعقل واراده واحلام وطموحات بس مش على مستوى الشغل والمناصب لانهم تقريبا خدو حقهم وزياده لكن على مستوى العادات والتقاليد لسه محصلش

ولسه بنحجب ونشجب وندين

ولسه بنحجب ونشجب وندين

يا مسلمسن الاقصى حزين

وحنا لسه بنشجب وندين

يا موحدين الاقصى فى موقف مهين

وانتم لسه وقفين

ياحكمنا يا مستنكرين

نوين تردو ولا مش نوين

يا شبابنا يا نيمين

الاقصىبيتهدم على ايد الاسرائلين

هترودو ولا مش فضين

يا بلاد عربيه ومسلمه

لسه نوين تاخدو نفس الموقف المهين

ونعمل نفسنا مش شيفين

وكل ماحد يكلمنا

نقوم نحجب ونشجب وندين

بس بندين مين

دول خنازير مالهمش ولا مله ولا دين

ووقفين ونويين يخلونا نحنى الجبين

ونقف متهانين

ادام العالم وبقيه الدول المتامرين

واحنا لسه نيمين

وعامالين نحجب ونشجب وندين

طبعا ده ولا شعر ولا يحزنون دول شويه كلام كان خنقنى وكان لازم اطلعه

ليله داخل فيلم كارتون

الابطال
انا
الحجر
وحيد
النجار
الفوريره

بيبدا اليوم ...... ان انا صحيت من النوم وكالعاده مسكت التليفون بس هكلم مين اه صح هكلم وحيد المهم طبعا مكنتش لسه صحصحت بس اديا كانت عارفه سكتها على زراير التليفون وفعلا كان وحيد بيرد عليا بلغتو ان انا مش هاينفع اروح الشركه علشان عندى شبكه اخت واحد صحبى لازم اروحها طبعا السوال المتوقع كان
والشبكه دى فين؟ والاجابه كانت مفاجاءه لان الشبكه كانت فى مركز بدر وحيد طبعا ادانى النصيحه الممتازه وانى مش لازم اروح وممكن اعمل الواجب بالتيليفون وخلاص لكن طبعا العرق الصعيدى اللى فيا ضرب فى دماغى وقلتلو لا انتا بتقول ايه دا صحبى واروحلو انشالله اخر الدنيا وكده ياعنى المهم قفلت ودخلت قعدت قدام التلفيزيون اشوف الدنيا فيها ايه وعرفت بالصدفه الباحته ان وجه بحرى كله غرقان من المطر وان فى ناس ماتت وناس اتصابت وانتو عارفين الباقى المهم الكلام ده مغيرش من عزمتى انى اروح الشبكه المهم التيلفون رن ومن الاى دى عرفت انو حجر
ايوه يابنى ازيك عمل ايه
الحمد لله المهم ايه هاتعمل ايه انهارده
قلتلو مفيش ورايا مشوار لغايه مركز بدر شبكه اخت صاحبى
وفين مركز بدر دى يا خويا
لا هو قال مش بعيده حوالى ساعه وتلت من عبود طيب
طيب قشطه
وقفلت
شويه ورن التليفون تانى وكان حجر بردو
فى ايه تانى يابنى
بقولك ايه اتصل بصحبك وسالو لو هاتيجى بعربيه يبقى الطريق ازاى
ليه
اسالو بس ملكش دعوه
حاضر سلام
طبعا انا عرفت حجر قاصدو ايه بس عملت اهبل المهم كلمت صحبى وعرفت منو ان الطريق يا اما صحراوى او زراعى طبع كان الزراعى هو اختيرنا لان كان على كلامو هو اقرب والوصف كان فى مضمونه اننا هنعدى على الاتى الخطاطبه المفارق كوبرى السمك كفر داود وبعد كدا قريه عمر شاهين وهى ديه المقصوده خت الوصفه وجريت كلمت حجر
ايوه يابنى الطريق كذا كذا
ثوانى سأل باباه ردوقالو يابنى قولو يهمد فى بتهوم ويبعت لصحبو عشر تلغرافات تهنأه وخلاص ولا يروح ولا يجى وده اللى قالهولى حجر بالحرف
بس انا طبعا عند موقفى
بس المرادى مكونتش لوحدى كان حجر خد قراره اننا هانروح مع بعض طبعا من غير ما حد فى البيت عندو يعرف لاننا بكل بساطه هانسافر بالفوريره وده الاسم اللى انا سميتو لعربيه حجر المهم اتفقنا بس طبعا مكنش ينفع نعمل اى حاجه من غير ضلع المثلث الثالث واللى هو وحيد لان احنا عند مبدا ان احنا صحاب واللى يمشى على واحد يمشى على الكل واتفقنا
انا جريت وقعدت اكوى القميص والكارفاته والبنطلون وظبت الدنيا ونزلت اجرى علشان الحق معادى مع حجر الساعه 4:30عندالجامعه وصلت وكان حجر لسه مجاش ووقفت استناه فى الشارع وديه اكتر حاجه بتخنقنى وكملت لما المطره مطرت المهم الباشا جه بعد المعاد بنص ساعه وكنت هشوط فيه بس سكت لما عرفت انو كان بيصلح المسحات وخدنا العربيه ورحنا لوحيد وكان عملنا سى دى زى العسل علشان نسمعها فى الطريق المهم خدناه ومشينا وطلعنا على الطريق
المشهد جوه العربيه حجر سايق وانا جنبو وحيد ورا والاسطونه شغاله
انا بقول استنا يا حجر انا لازم اشترى حاجه بس هاجيب يه قعدنا نتفق لغايه ما قررنا انى هاجيب شيكو لاته ورحنا المنيل وجبنا الشيكولاته وكده كلو تمام ومسكنا الطريق الزراعى من عند شبرا وبدات الليله تظبطنا الطريق واقف و المطره بتمطر والطينه فكل مكان طبعا على الطريق ما فتح كان فات ساعتين اهم حاجه مننساهاش ان الطريق بياخد ساعه وتلت من عبود المهم الطريق فتح بس الارض مزحلقه ومينفعش نسوق بسرعه وبعد شويه المساحه اليمين وقفت وراسها والف جلده متشتغلش قلنا مش مشكله هنكمل بردو جالى تيليفون من صاحبى قالى انتا فين قولتلو راح قالى احنا ريحين نجيب العروسه من الكوافير قلتلو انا اقدمنا ساعه الا تلت ونوصل طبعا ده عل اساس ان البلد بعد طنطا بتلت ساعه المهم كملنا طريقنا وشويه الطريق وقف تانى علشان فى حادثه وشويه والطريق مشى بس كان فى مشكله بسيطه ان الناحيه اليمين من ازاز العربيه الامامى كانت بقت سوده من الطين لان المساحه طبعا وقفه
وكنا كلنا متكومين بنبص على الطريق من الحته النضيفه اللى ادم حجر اقربنا على طنطا وهنا كلمت صاحبى اللى قالى كلمه غريبه اوى انتو ايه اللى جابكو م الطريق الزراعى طبعا انا استغربت من الكلمه بس قولتلو المهم احنا فى نص الطريق نكمل ازاى راح مدى التليفون لواحد اسمو اسلام علشان يوصفلى الطريق الجديد واللى كان بيقول اننا هنخلص طنطا وبعدين كفر الزيات وبعدين التوفقيه وبعدين مركز بدر وبعدين المكان اللى احنا ريحينو طبعا انا ازبهليت بس قلتلو اوكى احنا فى الطريق طبعا كنا محتاجين مساعده من حد يكون مشى فى الاماكن ديه قبل كده طبعا كل ده كان بيتوفر فى واحد بس و اللى هو معتز النجار ابن خالت حجر وبسرعه كلمناه وفهمناه الموضوع وهو اطوع انو هيكلم واحد صاحبو ويجيب منو الطريق بالظبط وكمان قرر انو يجى معانا علشان مينفعش الطريق يتوصف فى التليفون المهم اتفقنا معاه انو يستنانا على كافيه على الطريق السريع اسمو حماد وفعلا لما وصلنا لقناه مستنى وركب معنا وطبعا كان قايل لمامتو انو قاعد مع صحابو لانو مينفعش حد يسافر فى جو زى ده كده يبقى كمل ابطال الليله وبردو كان حجر سايق وواحيد جنبو وانا والنجار ورا واتوزعت المهام داخل الفوريره كالاتى حجر بيسوق وحيد بيمسح الازاز الامامى وانا بمسح الازاز الخلفى والنجار بينزل يسال الناس على الطريق واتكلنا على الله خلصنا طنطا وطلعنا على كوبرى كفر الزيات وكله تمام وبعد كده كوبرى كوم حماده وبعد كده التوفقيه لغايه هنا الطريق كان زوجى وممتاز ومنور وبعد التوفقيه كانت المفاجه اننا هنمشى فى طريق فردى والى ماشى معانا على الطرق تريلات وكملت لما الانوار بتاعات الطريق اختفت وبقت الدنيا كحل الا نور ضعيف جدا زى الشامعه كده كان طبعا ده نور الفوريره وغير كل ده مننساش الازاز اللى نصو مطين وهنا اطريت اكلم اسلام ابن خالت الشاخص اللى احنا ريحنلو واللى قالى كلمه غريبه اقوى وهى ان الفرح خلص ومن المكان اللى انتا فيه ده لغايه عندنا هتاخد ساعه وربع ولو روحت من عندك هتاخد نفس المده اختار بقى طبعا انا استغربت كلامو بس كنت خدت قرارى ان انا هكمل لغايه الاخر كانت مساعدتو ممتازه وواصفتو سهله اوى بكل بساطه قالى شوف اى تريلا ومشى وراها هى رايحه مركز بدر ولو وقف فى نص الطريق قولو اروح مركز بدر ازاى قفلت التليفون وطبعا حجر كده كده كان ماشى ورا تريلا علشان النور بتاعها ينورلنا الطريق وهنا لازم اقف واشكر سوقين التريلات على دورهم العظيم فى الليله ديه لانهم كانو مساعدنا اوى زى ماتقول عرفو ان احنا تايهين لان احنا العربيه الملاكى الوحيده على طريق كلو تريلات كانو عارفين ان احنا مشين واراهم وكانو كتر خيرهم بيدونا اشارات قبل المطبات والمزلاقنات وكده يعنى المهم مره وحده التريلا اللى احنا مشين وراها كسرات يمين قوى طبعا وقفت وكلمت اسلام وقالى لا متمشيش وراها وكمل طوالى اوكى سلام سمعت كلا مو مع انى مكنتش واثق فيه بس مكانش قدامى غيرو بس اطرينا نقف لحد ماتيجى عربيه تمشى ونمشى احنا وراها ومن حسن الحظ كان فيه عربيه نقل جايه على الطريق بس فى عكس اتجاهنا شورنالها وقفت ونزل منها شاب زى العسل بس وهو جاى علينا كان فى تريلا جايه بسرع طبعا الشاب كان هايموت لولا ان سواق التريلا عمل غرزه علشان يعدى المهم الشاب قالنا على الطريق وهو اننا هنمشى فى الطريق طوالى ولا يمين ولا شمال هنلاقى مركز بدر شكرنا الراجل طبعا ومشى وقررنا اننا هانمشى من غير عربيات ادمنا وربنا يستر المهم مشينا شويه وربنا فرج بعربيه طلعت ادمنا ومشينا وراها بس فى مشكله صغيره اكتشفناها ان الكلاكس فصل ومبقاش معانا كالاكس وكملنا فى الطريق كلمت اسلام قالى زى مانتا ماشى كمل بس ا اسلام الطريق بيلف يمين وشمال قالى زى مالطريق ماشى امشى معاه طبعا ده كان رصيدى اللى خلص وممعناش غير دقيقه فى موبيل وحيد ودقيقه عند النجار وكان لازم نرشد الاستهلاك المهم اتكومنا احنا الاربعه ادام الحته النضيفه فى الازاز الامامى علشان نشوف مصيرنا هيكون ايه وده طبعا بعد مكان ظهر جنبنا على الطريق ترعه وكنا خايفين نقضى ليله فى قاع النيل كانت عنينا مفنجله مشينا كتير اوى وكان اصعب حاجه فى الموضوع ان انتا بتمشى للمجهول ومش عارف الطريق هايخلص امتا طبعا الاحساس ده دايقنى اقوى وكلمت اسلام من موبيل النجار وزعقت وقلتلو لازم حد يطلع لينا على الطريق احنا منعرفش احنا توهنا ولا ماشين صح وبعدين احنا بقلنا خمس ساعات سايقين منعرفش احنا مصيرنا ايه هو قالى حاضر انا هاخد العربيه وهجيلكم على مدخل مركز بدر وقفلت على كده المهم مشينا شويه والطريق يلف بينا وبلاد تعدى وبلاد تفوت وكان الراجل اللى رسم الطريق كان قاصد يعازبنا المهم بعد فين وفين ظهرت يافطه غريبه مكتوب عليها مركز بدر انا طبعا كنت متاكد ان ربنا بعت واحد يحط اليافطه ديه دلوقتى حالا علشان يرحمنا وعند اليافطه دى وقفنا فعلا كنا حاسين ان احنا اثباتنا ان الارض كرويه لان على مدى بصرى ايام ماكان عندى بصر لاقيت الطريق بينتهى مع السماء زى بالظبط كده لما تبص للبحر وتلاقيه بينتهى هو والسماء مع بعض عند نقطه واحده
ملحقناش نقف كتير الاستاذ اسلام كان وصل وقال لنا امشو ورايا بس البيه مكانش مترجم ان فى حد وراه لانو كان مقضيها غرز ويجرى ويسبنا ويلبسنا فى المطبات المهم بهدلنا اكتر محنا كنا مسحولين المهم وصلنا لقيت صاحبى وزميلو وعيلتو مستنين وكان مستنينا خبرجامد ان النور قاطع وكده دخلنا وكل اللى نفسو فحاجه عملها اللى دخل الحمام واللى قعد ينضف فى هدومو وشويه صاحبى قال ان الاكل بيتسخن واحنا طبعا كلنا كنا على كلمه واحده بس وهى ان احنا لازم نمشى طبعا صاحبى مسك فينا نبات بس مكانش ينفع علشان احنا معانا ناس مش قايلين لاهلهم انهم مسافرين اساسا المهم مسكنا حته قماش ومسحنا الازاز والكشافات وكان كل مطلبنا ان حد منهم يجيب عربيه ويرجعنا لغايه الطريق الزوجى بس طبعا المعلم اسلام رفض لان كانت مجرد فكره الطلوع على الطريق فى الوقت المتاخر ده وفى الجو الزفت ده نوع من انواع الانتحار المهم اطوع العريس وجيه معاه صاحبى وفعلا مشينا وراهم لغايه الطريق الزوجى والبرق والرعد بقى مقولكوش كنا متظبطين اول مامسكنا الطريق الزوجى خدنا نفاسنا ووشوشنا اتفردت شويه واول مامسكنا طريق طنطا بدانا نتريق على اللى كان بيحصل لغايه ماوصلنا كافيه حماد دخلنا وطلبنا شاى وقعد كل واحد يدلى باعترفاتوا طبعا الجميع اتفقوا على حاجه واحده وهى انهم كلهم بيبوصولى نظرت غل مخنقوين منى طبعا
وحيد كسر الصمت وقال عملت الواجب يا خويه وانا طبعا كنت عامل موادب وساكت وبعدين قعد يحكى عن الكام مره اللى حجر كان هيخيش فيهم فى الترعه وان قلبو كان بينزل فى رجليه من الخوف و مكانش عايز يقولنا علشان منخافش اكتر وطبعا حجر اكد كلام وحيد وزود عليه كمان ان العربيه كانت بتتزحلق منو فى الطينه وانو لولا ستر ربنا كان زمنا تحت تريلا او بنلعب مع السمك فى الترعه بس اكتر حاجه كانت كوميديه هى معتز وهو بيحكى انو لما كان بيطلع وشو من العربيه علشان يسال حد عن الطريق او يشاورلعربيه كان وشو بيتردم طينه من العربيات اللى ماشيه جانبنا واحنا وقعنا على روحنا من الضحك وكلنا اتفقنا على حاجه واحده بس هى ان كل اللى حصل ده وكل الصدف دى مكانش ممكن تحصل الا فى فيلم كارتون

فرصه لراسبى الثانويه العامه..........

طبعا ده ولا اول دراسه ولا حاجه بس الواحد بيقابل حاجت تخلى يجرى على الكمبيوتر ويكتب المهم الموضوع المرة دى مش عارف ابداء منين بس يلا طبعا بعد ما الخصخصه طالت كل حاجه فى البلد كان لازم يظهر سلبيات بس المشكله ان اول شى كان التعليم والجامعات الخاصه طبعا حصل مشاكل كتير بسبب اوليا الامور اللى اصبحو بيشترو الشهادات وادفع اكتر تجيب تقدير اكبر وكده وطبعا كلنا سمعنا عن الجامعه الخاصه اللى كانت بتدخل طلاب ادبى كليات الطب والصيدله طالما قدرين يدفعو المهم طبعا الحكومه مشكوره لمت الموضوع وبدل ماكان على عينك يا تاجر باى من تحت الترابيزه وده طبعا تحت شعارها الممتاز اسرق براحتك بس لو شفتك ها............. كل ده معروف وكانت الناس اللى ولادها مابتجبش مجموع فى الثانويه العامه كانت بتدخل جامعات خاصه وطبعا اسهاما من الدوله فى رفع كفاءة التعليم فى مصر مش علشان اى حاجه تانيه $ اصبح طابع الكليات الخاصه جنب طابع الكليات العاديه فى ورق التنسيق كل الحجات دى اصبح مالوفه بالنسبه لنا كشعب مصرى واحنا مشهورين بسرعه التكيف على الاوضاع المفروضه مش مهم صح ولا غلط بس المهم ان احنا بنتكايف الحاجه اللى موتتنى من الاستغراب هى الاعلان اللى فى الصوره

ده بقى عباره عن قسم جديد من نوعه لراسبى الثانويه العامه غالبا دى بقت شهاده زى الثانويه كده فى مصر المهم انا كان نفسى اسال هو يشترط السقوط فى كام ماده علشان اقدم ورقى وده طبعا احدا سلبيات الخصخصه اللى احنا مشفنلهاش ايجابيات

الظاهر ان الخصخصه دى حاجه بنرابيها وهى صغيره علشان لما تكبر تاكولنا