كله ماشى

بس هنا يا عم كفايه كدا نزل كل حاجه وارفع يافطه واحده مكتوب عليها

كله ماشى

قولنا هنعمل اضراب والاضراب ضرب مننا وكله ماشى بس مش عشان احنا ماضربناش ولا موصلناش!لا ابدا اصل احنا نفخنا فى قربه مقطوعه الشعب مات ومش عايز اضراب علشان ناخد حقنا ونعبر عن راينا ويتسمع صوتنا لا الشعب عايز تلاجه ايوه تلاجه نقل الموتى علشان الشعب دماغوا ماتت وعفنت وبقى مش شايف ولا حاسس باى حاجه وكله ماشى شباب وشيشه وكوتشينه وتحشيشه كله ماشى بنات وخروجات وتليفونات وباترينات وكله ماشلى عواجيز و صبغه وحرميه بردو ويمكن ضحيه بس سايب حقه وكله ماشى رجال اعمال وغسيل اموال ولعب بقوت الغلابه وكله ماشى بيع ميادين وبنادمين وكام مبنى قديم وكله ماشى ضرب على القفا وشتيما مقرفا من شويه عساكر وحركات فى الخفى وكله ماشى شوراع وزحمه ومافيش اغلى من اللحمه وفراخ وبيظه وكله ماشى العيش مش لاقينوا والجوع مش طيقينوا الزرع ومسرطنينو وكله ماشى ضرايب وبتزيد واجور فى الحضيض وكله ماشى وسلملى بقى على الشعب المجيد وباب الحديد
وكله ماشى

الحريه يا

الحريه اختلف ناس كتير قوى فى تعريف الحريه كامصطلح لكن اتفقوا كلهم على انها بتكفل الحقوق للناس وتقريبا ديه الحته اللى احنا فهمناها من تعريفات الحريه زى بالظبط محمد صبحى فى مسرحيه تخاريف لما كان عامل دكتاتور وقال" ان هو قرا كتاب عن الاشتراكيه بيقول ان الاشتراكيه دى معناها ان الشعب كله يشتغل عند الحكومه والحكومه هى اللى تكوش فى الاخر وبعدين هناء الشربجى قالتلو بس كمل الكتاب لان الاشتراكيه مش كده قالها اكمل الكتاب ليه وهو ده الجزء اللى انا ناوى اطبقه"
هو ده فعلا اللى احنا بنعملو او اللى بيتعمل فينا ياعنى باختصار مفيد الحريه فى بلادنا متلخصا فى الاتى
من حقك تتظاهر ومن حقى ارميك ورا الشمس
من حقك تعترض ومن حقى احبسك
من حقك تبقى صحفى وتكتب ومن حقى ابيتك فى المعتقل
من حقك تفتح صحيفه وتعارض فيها ومن حقى اقفلهالك
من حقك تعمل حزب سياسى ومن حقى اهمشهولك
من حقك تدخل الانتخابات بجميع انوعها ومن حقى اسقطك فيها
من حقك تدون ومن حقى اقفلك مدونتك واقبض عليك
واذا كان عاجبكوا

بس يا ولد عيب

العيب

العيب دى كلمه بنسمعها كتير اقوى فى حياتنا اليوميه وهنتكلم عنها باستفاضه انهارده

المعنى الحرفى لكلمه العيب فى قاموس المصرين: ان دى حاجات مينفعش نعملها والا هنتعاقب اوالناس تبصلنا بصه مش هى وكده يعنى

المغذى اللغوى عند المصرين: دى كلمه هما اخترعوها واقعدو يكبروها لغايه مابقو بيخافو منها حاجه كده زى ابو رجل مسلوخه وامن الغوله اللى ملهمش وجود اساسا وما زال فى ناس بتخاف منهم

دلوقت هنرغى كالعاده

العيب زمان

المصرين كانو بيخترعو الكلمه دى علشان يستخدموها فى الحد من التقليد والعادات الاخلاقيه الغير مرغوبه ولغايه حد معين كان الموضوع مقبول وكان كل شىء تمام والناس مكانتش بتعمل حاجه عيب ولا كانت بتخالف التقاليد والعادات الغير مستحبه

العيب دلوقتى

لكن لما بدات الكلمه تكتسب شعبيه ويكون ليها معنى مسموع وسلطان قوى على تصرفات الناس بدا المصرين ان هما يستخدموها لارضاء اهوائهم بمعنى ان اى حد بداء يشرع العيب على مزاجو يعنى مثلا الاب يقول للابن عيب تلعب مع فلان ليه من غير ليه هو عيب وخلاص والام تقول لبنتها عيب تكلمى فلانه هكذا اصبحه الكلمه ده خضعه لاهواء اللى عندهم سلطه البت فى المواضيع زى الام والاب والمدرس وكدا يعنى

دى مصايب مش عيب

المشكله دلوتى بقت فى المجتمع بمعنى ان الناس بقت بتخاف من المجتمع وكأنو حاكم الكون يعنى الواحد لوعايز يعمل حاجه وهو عارف ان هى حلال ومفهاش مشاكل بس المجتمع شيف الحاجه دى عيب هو مش هيعملها ولو فى حاجه اساسا حرام والمجتمع شايف ان هى عادى هتلاقيه اول واحد بيعملها وطبعا الامثله كتير وانتو عارفنها

حاجات العيب بريء منها ولازم تتغير

يعنى من اللى قال ان الست المطلقه عيب وينفعش الوحده تطلاء من جوزها

لا الاحسن ان هى تفضل عيشا معاه حتى لو بيمسح بكرمتها الارض

طب لما هو كدا انشا الله ربنا كان حلل الطلاق ليه

ومن اللى قال ان البنت لو عدت سن ال26 ومكانتش مجوزه يبقى عنست

ثم ايه معنى عنست دى طبعا الموضوع ده بيخلى كل افراد العيله تجرى فى الموضوع ده من اول لما البنت تم 18 سنه وبما فيهم البنت بتلحق توقع لها ولد لقطه لحسن تعنس

طبعا الحاجات دى مش موجوده غير فى قاموسنا احنا بس فيها ايه لو البنت متجوزتش خالص حتى ومفيش حاجه اسما تعنس ولااحنا لازم نحرق دم الناس

ضل راجل ولا ضل حيطه وهو راجل والسلام

دى العباره اللى نا بسميها هادم الامال يعنى دى العبارة اللى بتتقال لاى بنت كبرت شويه فى السن حصل لها ظروف لما يجلها عريس نص لبه وعلى العباره دى بتتحطم سفينه احلام البنت المسكينه اللى مجتمعها حكم عليها بعقول مصديه ورجعيه ومتخلفه

انا بقى بقولها ضل حيطه

الراجل مينفعش يتجوز واحده اكبر منه

ليه بقى انشا الله هى هاتكله ثم فلنفرض انه حبها يروح ينتحر علشان المجتمع وعجبى

حاجه من الحاجات اللى لازم تتغير هى نظرت المجتمع للمراءه على انها اداه لاشباع الغرائز وتابلو جميل لازم يتحط فى بيت راجل علشان هى لا زم تكون فى حمايه الراجل مع العلم ان فى ستات بمئه راجل لازم المجتمع يبداء يعامل المراءه على انها كأن قائم بذاته ليه مشاعر واحاسيس وعواطف وعقل واراده واحلام وطموحات بس مش على مستوى الشغل والمناصب لانهم تقريبا خدو حقهم وزياده لكن على مستوى العادات والتقاليد لسه محصلش

فرصه لراسبى الثانويه العامه..........

طبعا ده ولا اول دراسه ولا حاجه بس الواحد بيقابل حاجت تخلى يجرى على الكمبيوتر ويكتب المهم الموضوع المرة دى مش عارف ابداء منين بس يلا طبعا بعد ما الخصخصه طالت كل حاجه فى البلد كان لازم يظهر سلبيات بس المشكله ان اول شى كان التعليم والجامعات الخاصه طبعا حصل مشاكل كتير بسبب اوليا الامور اللى اصبحو بيشترو الشهادات وادفع اكتر تجيب تقدير اكبر وكده وطبعا كلنا سمعنا عن الجامعه الخاصه اللى كانت بتدخل طلاب ادبى كليات الطب والصيدله طالما قدرين يدفعو المهم طبعا الحكومه مشكوره لمت الموضوع وبدل ماكان على عينك يا تاجر باى من تحت الترابيزه وده طبعا تحت شعارها الممتاز اسرق براحتك بس لو شفتك ها............. كل ده معروف وكانت الناس اللى ولادها مابتجبش مجموع فى الثانويه العامه كانت بتدخل جامعات خاصه وطبعا اسهاما من الدوله فى رفع كفاءة التعليم فى مصر مش علشان اى حاجه تانيه $ اصبح طابع الكليات الخاصه جنب طابع الكليات العاديه فى ورق التنسيق كل الحجات دى اصبح مالوفه بالنسبه لنا كشعب مصرى واحنا مشهورين بسرعه التكيف على الاوضاع المفروضه مش مهم صح ولا غلط بس المهم ان احنا بنتكايف الحاجه اللى موتتنى من الاستغراب هى الاعلان اللى فى الصوره

ده بقى عباره عن قسم جديد من نوعه لراسبى الثانويه العامه غالبا دى بقت شهاده زى الثانويه كده فى مصر المهم انا كان نفسى اسال هو يشترط السقوط فى كام ماده علشان اقدم ورقى وده طبعا احدا سلبيات الخصخصه اللى احنا مشفنلهاش ايجابيات

الظاهر ان الخصخصه دى حاجه بنرابيها وهى صغيره علشان لما تكبر تاكولنا

للكوسه في بلادي شئون

للكوسه في بلادي شئون

بتخلي المسنود فرعون

يتفرعن فين مهما يكون

وتخلي الجاهل أستاذ

والأعرج لاعب جمباز

وتخلي الأحول هداف

والكوره الآوت ف الجون

للكوسه ف بلادي شئون

لو تعرف واحد ف الشرطه

راح تخرج من أجدع ورطه

والراجل اللي انت ظلمته

تلاقيه متلقح مسجون

أو تعرف شخصيه كبيره

شغاله ف البنك مديره

راح تاخد من غير ضمانات

كام قرض بمليون مليون

وهروبك طبعا مضمون

ويا عيني لو تعرف نايب

ف المجلس مش نايب خايب

راح تبني أبراج وهميه

أوراقها مظبوطه أكيد

وفلوس الناس المهريه

حتجيلك م الجيب للإيد

بعديها تروح المستشفى

وتقيد نفسك مجنون

أحكامك تسقط ف ساعتها

بعديها ترجع موزون

ويا عيني لو تعرف شيخ

فجنابك طاهر علطول

وصيامك طبعا مقبول

وإذا فرضا حبيت تتجوز

تتجوز من غير مأذون

وإذا ساكن ف عماره جديده

وحبيبك راجل مسئول

فسيادتك من غير ما تقول

يركب لك فورا تليفون

ولو انت عندك عربيه

ونمرها سوده بنسرين

حتعدي أجدعها كمين

وحتكسر أوضحها إشاره

ماهو نمرك سوده جباره

ولا تعرف أيتها قانون

ولو انت بتعرف فرّان

أو واحد بياع جرنان

راح تاخد طلبك وحتمشي

من غير ولا دوشه ولا دور

والناس الغلبانه حتاخد

طلباتهابعدك وتغور

ماهو كله غيرك بيهون

ولو انت زميل الحلاق

راح تحلق اولها زبون

وإذا كنت بتعرف دكتور

حتعيش متطمن مسرور

وحتسلك ف لجان الشفوي

ومجال تعيينك موفور

وحتطلع فالتليفزيون

بالبدله وفيها الببيون

تتكلم وبكل بساطه

عن شرف المهنه المدفون

لكن لو شاعر غلبان

قلت اللي ف نفسك علطول

حيقولو مين قال لك قول

ويهاجمك مليون إنسان

الاعتراف بالجميل واجب

انا ناقل القصيده ده م منتدا

www.mhyper.com

من القسم السياسى وبشكر باربى اللى جابتها ومعرفش من اللى كاتبها ولو حد يعرف يقولى
_______

يعنى نسيبها ونيجي كمان كام سنه نخدها كويسه

ايه رايكم فى العنوان مش عارف بس عاجبنى المهم
انا عايزاتكلم انهاردا عن التلوث طبعا مش هاتكلم عن الاوزون ولايحزنون انا هاتكلم عن الحاجات بتعاتنا احنا اللى بنستخدمها كل يوم يعنى مثلا الميه اللى سياتك لما بتكون عطشان بتجرى على الحنفيه تاربعلك بتاع لتر لتر وربع لو سياتك بصيت فى الميه دى مش هاقولك بميكروسكوب ولا حاجه بعنيك عادى خالص هاتلاقى حاجات بتلعب وياريت تبقى تلعب معاها بس الكلام ده لو حضرتك ساكن فى منطقه نضيفه اولسه جديده والمواسير لسه بحالتها اما لو ساكن فى منطقه شعبيه والموسير منفده على بعضها انتا وحظك بقى تكون ماسورتكوم فاتحه على ماسوره صرف اوغاز او مايه ولايمكن فاتحه على الشارع المهم متنساش تشرب وتبقى تسلملى على (الكيدنى) ياعنى كليه حضرتك
مش مهم نبقى نجيب مايه معنويه
اما لو حضرتك جعان وعايز تاكل ماتقلقش عندنا حته منيو مش هاتلاقيه فى اى حته
بص ياسيدى لوناوى تاكل لحوم عندنا كل انواع الحمى القلاعيه وفى نوع جديد اكتشفوا عندنا احنا بس
اما لو بتفكر فى الفراخ وما شابه مقولكش
الحمد لله عندنا كل انواع فيرس الافلوانزا الطيور بكل تطوراتو
اما بالنسبه للخضراوات عندنا حته تشكيله خضراوات بالمبيدات الحشريه اقصدى الكيماويه المفتريه بس ايه اكسترا
ومتقلقش مش مضره اوى يعنى هما شويه سراطانات على شويه جلاطات ويمكن شلل
المهم مش هاطول على حضرتك الفاكهة بقى عندنا تشكيله فاكهة معدوله جينيا بس اشطه ويمكن يطلع فيها مواد مشعه
والحساب طبعا يوم الحساب
هو ده الحال وطبعا هناخد راى استاذ غلاباوى ايه راياك يا استاذ فى الكلام ده
واللهى يابنى انا عندى حل بس مش عارف هيعجبك ولا لا
ايه هو الحقنى بيه
بص يابنى انتا تسيبها لى اد كام سنه كده وانا انشا الله هاسلمهالك فله على الشعره ياعنى يا استاذ
ها!!!!!!!!!!!ِ

خبر وتعليق

{اتفاق الجهازالمركزى للتنظيم والاداره مع شركه اجنبيه لقياس مدى الكفاءة الاداريه لمؤساسات الدوله}
وده كان الخبر وهيعلق لنا عليه الاستاذ غلاباوى
ايه راى حضرتك يا استاذ غلاباوى فى الخبر ده
واللهى يا خويه على خيرت الله يمكن يجبولنا كاس العالم فى الادارة والتنظيم!!!!!ه

حاجه تكسف

اجمد حاجه انك ونتا ماشى قاعد راكب انك ترمى ودنك مع اى اتنين بيتكلمو والحوار ده ما اكترو فى بلادنا الجميله وشعبها اللذيذ
لا مش كده وبس مافيش مانع وسياتك بتقرا الجرنان فى اى حته اتوبيس مكتب محطه تلاقى تلاته اربعه ويمكن خمسه نطين معا سياتك فى الجرنان لاويمكن تلاقى واحد مدايق مستنى سياتك لما تتعطف وتقلب الصفحه وحاجه كمان وانتا قاعد بتشيت فى اى نت كافيه ومندمج فى الكتابه تدور تلاقى اتنين واقفين وراك بيتناقشو فى اللى انت بتكتبو وللى يغيظك ان الناس بتتعامل مع الموضوع ده على انه حق مكتسب لاوبيورثو لولدهم نستنتج من كدا يا جماعه ان المصريين اول من اكتشف الشيرينجsharing فى العالم
بس احنا بنشير كل حاجه بتخص اللى ادمنا

some thing about our fact

وانا ماشى فرحلتى اللى قولتلكو عليها لقيت قهوة بلدى قلت لما اعد عليها اشوف ايه احوال اللى فيها

1968بصو مين هناك دا احمد فؤاد نجم سوانى هبص فى الساعه اه الساعه واحده الضهريه

شكلو مشغول بيكتب حاجه جديده هروح اشوفها من غير ميحس يمكن فيها حاجه مفيده لزمنا اللى احنا فيه

انا كنت هكلمكو عنها بس قلت اسبها هى تشرح نفسهاا

واروح انا اشرب شاى

شرم برم

أنا الأديب الأدباتي
غايظني حال بلدياتي
و غلبت أوحوح و أهاتي
لكن بلدنا
سمعها ثقيل
الله الله يا بدوي
هات الشخاليل

شرم برم
و الناس غافلة
و الغفلة
ع الأفهام قافلة
و الكذب لعلع ف الحفلة
و أغلب السامر مساطيل
الله الله يا بدوي
دق الشخاليل
حالتنا ما تسرش انسان
و حالنا
يصعب ع الغلبان
لكن يا خلق علينا لسان
لو جريناه ع الصلب
يسيل
الله الله يا بدوي
يا أم الشماليل

السوس نخب سقف العشة
و عضمة الغنمات
هشة
عايزين صابونة و مقشة
و هات ياكنس
و هات يا غسيل
الله الله يا بلدي
مشوارنا طويل

آدي العبارة يا متولي
و آدي الصراحة اللي تخلي
عرق الغضب
فينا تمللي
بالجهل نافر
و التضليل
الله الله يا بدوي
لم الشخاليل
1968

اشعار احمد فؤاد نجم