أمة متخلفه بالوراثه

(الجزء الاول )

نحن أمة ذكوريه متخلفه بالوراثه

.......والدليل قالولو

اللى مش عاجبه الكلام ده يجوابنى على كام سؤال كدا

ليه الراجل بس هو اللى من حقه يقول عايز اتجوز والبنت لما تقول عايزه اتجوز تبقى قليله الادب ؟

ليه الراجل بس هو اللى من حقه يقول اتجوز دى ومتجوزش دى والبنت لو جالها اى بنى ادم لازم توافق عليه والا اهلها هيخلو عيشتها سوده؟

ليه الراجل بس هو اللى من حقه يطلق والست لما تطلب الطلاق تبقى عملت جريمه لا تغتفر؟

ليه ضل راجل ولا ضل حيطه؟

ليه الست لو زنت تتقتل والراجل لو زنا يقولو المسامح كريم ومش هيعمل كدا تانى مع ان ربنا سبحانه وتعالى شرع عقوبه واحده للراجل والست فى نفس الواقعه؟

ليه الراجل لو قعد فى بيت ابوه بعد الكليه خمس عشر سنين من غير شغل محدش بيقوله "بم " لكن البنت لو خلصت كليه واشتغلت وبقت ناجحه فى الشغل لزم نقرفها انتى هتتجوازى امتى انتى هتفضلى قعدنا كدا؟

وليه

وليه

وليه

وميت الف ليه

pause

لحد هنا و

pause

كل حاجه لحد هنا و مينفعش خالص اللى بيحصل ده مش هنغانى ونقول عواد باع ارضه ياولاد شوفو طوله وعارضه يا ولاد ولا هانقول

A7A

على سبيل الاعتراض ونسكت بعد كدا لكن لزم نقف وقفه رجاله يمكن مش علشانا المره دى لكن علشان كل مصرى هيتكتب عليه انه يشيل فى بطاقته كلمه مصرى فى خانه الجنسيه علشان كل اللى هايجى بعد كدا علشان لو موقفناش المره دى مش هاينفع يكون لينا صوت تانى لان ساعتها هنبقى بعنا حقوقنا وبعنا نفسنا وبلادنا كمان "اداره الاصول المملوكه للدوله" الاشتغاله الجديده اللى بيتكلم عليها اليومين دول واللى فيما معناها هيبيعونا بلدنا بالاونطه ويدو كل واحد عضمه فى ايده ويقولوله هو ده حقك من البلد دى منسمعش صوتك تانى ولا تامين بقى ولا امول عامه ولا ملكيه عامه ولا دعم ولا وجع دماغ زمان كنا بنغانى ونقول وشرفك يا بلدى سحابه وتعدى وبردو انتى بلدى لكن لو سكتنا المره دى ازاى هنقولها انتى بلدى واحنا سبناهم يبيعوها ويقسموها وطبعا بالنسبه للقسمه هتبقى على مزاج اللى هيقسم ياعنى المقربون والناس الكبار هايخدو الاسهم بتاعتهم فى الشركات الجامده وانتو عارفين قصدى وطبعا اللى ملوش ضهر فى البلد دى هياخد الاسهم بتاعته فى كوبرى اكتوبر او شركه الصرف الصحى وهكذا ثم ان انتا لما تيجى لواحد غلبان ميعرفش من الدنيا غير انه بيشتغل اليوم بيومه وتيجى تقولو انه هيبقى عانده اسهم وارباح كل سنه وبتاع بس ملوش الحق بقى فى التامين الصحى ولا هيبقى فى دعم ولا الكلام ده هو هيبقى ايه رد فعله ولا نفكر فيه ليه هى الحكومه تعرف اصلا حاجه عن الطبقه دى هو واضح كدا من الاخر ان الحكومه عايزه تخلع من الشعب فقالو نفهمهم ان هما خدو حقهم علشان مش كل شويه يقرفونا بقى ويقولو فرص عمل ودعم وتامين وحاجات كدا من اللى بتصدع الحكومه وهو طبعا حل ممتاز يخرجهم من الازمه دى وخصوصا ان الشعب دلوقتى فى الطراوه ولا حد فاهم حاجه وكل القرارات بيتوافق عليها ومحدش فاهم حاجه فا قالو فى الضلمه كدا وكله غايب عن الوعى نبايعهم بلدهم ونمضيهم على كدا علشان منسمعش صوتهم تانى ادينا عملنا اللى علينا وكتبنا واجرنا على الله

مصر بقت قاسيه قوى على ولادها يا باشا

المره دى انا مش هاتكلم انا هسيب الصور هى اللى تتكلم

بعد اللى حصل انهارده

طبعا البوست ده متاخر اوى بس تاريخه هو فى نفس اليوم اللى حصلت فيه الاس تف تاء على راى جريده الدستور المهم هو مش بوست بمعنى الكلمه هو شويه حجات بحاول اراتبها فى راسى من يوم اللى حصل بس مش راضيه تترتب بس ناويت اقولهاعلى طول طبعا يوم الاس تف تاء كنت متوقع رد فعل من الشعب تعليق على التعديل ده لدرجه انى كنت متخيل ان فى شوارع هتتقفل وان فى ميادين هتتملى عساكر وهيبقى يوم يدخل التاريخ من اوسع ابوابه وان كل وكلات الانباء هتتكلم عن اليوم ده وقولت خلاص بقى هنتولد من جديد خلاص كل واحد فى الشعب ده هيطلع نفسه من البرطمان اللى هو عازل نفسه فيه عن العالم وياخد موقف ايجابى لان الموضوع كان اكبر من كل حاجه المره دى الموضوع مكنش مجرد حاجه هتتطبق عليه وهو هيقبل بيها ويحاول يكيف نفسه عليها لا الموضوع المره دى كان متعلق باللى بيحصل واللى هايحصل لينا ولولدنا وولاد ولادنا الموضع المره دى هو الدستور الى لما بنحس بظلم من اى جهه عامه او حكوميه او اى جهه كان دايما هو اللى بيحكم بينا وهو اللى بيحفظ حقوق كل واحد وادميته علشان كل الحجات دى فى نظرى كان لازم يكون يوم غير عادى واستنيت اليوم ده وانا كل لماحد يقولى يابنى دى مره زى كل مره اقوله لا المره دى معدن الشعب الاصيل هيظهر
المهم جه اليوم صحيت الصبح رحت الجامعه كان عندى سكشن بس غريبه مفيش حاجه فى الشارع عادى انا مش ساكن فى ميدان التحرير وانا قدام الجامعه ايه ده مفيش عساكر ولا ظباط اه اكيد كلهم فى ميدان التحرير والحتت اللى فيها مظهرات مكسره الدنيا ثم ان لسه بدرى الساعه 8:30 المهم طلعت ودخلت السكشن مفيش اى حاجه مش عاديه خلصت وقلت اروح بدرى علشان اعرف اليوم هايمشى ازاى رجعت البيت لاقيت اختى قلتلها ايه الاخبار قالتلى ولا فى اى حاجه كل شى ماشى عادى اتفزعت وخدت الريموت واقعت اقلب فى قناوات الاخبار اللى مكانتش جايبه اى حاجه اطاريت اسف انى افتح الاخبار المحليه ولقيت الاتى المؤتمر على الهوا ومعاهم ناس معرفش مين ولامنين بس كل اللى كانو بيقولو ان ازاى التعديلات الدستوريه هتساعد الشعب وكده ياعنى وشويه مراسلين من شويه محافظات من قدام اللجان بيتكلمو عن اقبال الناس منقطع النظير وطبعا الصوره وراه فاضيه ولا فيها ولا واحد داخل ولا واحد خارج وكان بيتكلم كمان عن زياده وعى الشعب المصرى اللى رايح يدلى بصوتوا وعمل لقاء مع احد الافراد اللى خارجين من اللجنه وسالو ايه رايك فى التعديلات راد وقال طبعا التعدلات دى علشان مصلحه الشعب والبلد وكل اللى يعرفو الراجل ان التعدلات دى حلوه وطيبه وكويسه وبنت ناس وشويه وانا كان صابنى حاله ازبهلال محاطه بقليل من العته وعنيه بحلقه وجالى تخلف وفى الوقت ده جابو متحدث باسم وزاره الدخليه وقال ان مفيش ولا سياسى ولا متظاهر واحد رهن الاحتجاز ولا رهن التحقيق حتى وان فى اربع متظهرين راحو عند لجنه الاس تف تاء فى كفر الشيخ لقيوا نفسهم لو حدهم لفو ورجعو وان اليوم ماشى عادى طبعا انا مبقتش عارف انا حاسسس بايه ومن ساعتها وانا مش عارف ازاى او ليه ده حصل
رابنا كرامنى وبعد يومين عرفت ازاى ده حصل كالاتى قابلت حد صاحبى قالى ان الظباط خدو بتوع حركه كفايه اللى كانو معتصمين قبل الاس تف تاء بيوم فى التحرير وراموهوم فى الصحرا وسابوهوم ورجعو ا
وشويه واحد تانى قالى ان باباه كان مساعد رئيس لجنه وجالو واحد قالو يكتب ورق ويمضى للناس وكدا يعنى وبابا صاحبى رفض بس الموضوع خرج من ايده واقنعو رئيس اللجنه انو يعمل هو الموضوع ده
شويه وسمعت عن مدرس اعرفه كان مراقب فى لجنه ولما كان فاضل نص ساعه على الوقت وينتهى وكان جه اللجنه 75واحد من اصل 1500متقيدين باللجنه المدرس طلع متعاون وافق انو يكمل هو بقيه اللجنه علشان ميتعبش الناس وينزلهم من بيوتهم وكان الموضوع ده مقابل 100جنيه ياعنى باع بلدو ب100 جنيه
بعد كل الكلام ده حصل الاتى
جالى حاله سرحان وعته وتخلف عقلى و فقدان ذاكره مقصود و سلبيه وحاله من الا مباله غريبه هذاوقد اعلنت جميع خلايا جسمى العصبيه واللى متخذا مخى وعامودى الفقرى مركزا لقياده عمليتها مسؤوليتها عن الحادث
وكان مطلبها الوحيد للافراج عن جميع افكارى ومشاعرى المحتجزه لديها هو
الغاء معاملتى تبعا لحقوق الانسان وبدا معاملتى تبعا لجمعيه الرفق بالحيوان يمكن نعرف نحس بكرامتنا

ارءيت من اتخذ الهه هواه ........ء

بسم الله الرحمن الرحيم

ارءيت من اتخذ الهه هواه افانت تكون عليه وكيلا

صدق الله العظيم

الى كل من سولت له نفسه ان يبسط يده بسؤ الى اى امراه على وجه الارض لم تقترف زنب غير انها انثى ارسل هذا الخطاب

ساناديك يا هذا لان كل الاديان السماويه بريئه منك ومن افعالك لانه لا يوجد دين او كتاب سمائى يبيح ما تفعله اى ان كل الاديان بريئه منك فلقد اصبحت نكره ولا استطيع ان اطلق عليك انسانا لان مثل هذه الافعال تتجرد تمامان من الاداميه ولقد تبراء الاسلام من امثالك حينما قال رسول الله صلى الله عليه وسلم (المسلم من سلم الناس من لسانه ويده او كما قال) صدق رسول الله صلى الله عليه وسلم

اما السوال الان لماذا تفعل هذا ؟ اتجد فى مثل هذه الافعال ارضاء وقتى لغرائزك الحيوانيه لاوالله انما هو الشيطان الذى يدفعك لكل هذا نعم لقد احتنكك الشيطان واوثق لجامه حولك لكى يمتطى ظهرك وانت ابله يتخبط فى ظلام الهو وقد اخذك سبيلا للقضاء على من حولك من الاقارب حيث قال سبحانه وتعالى (ولكم فى القصاص حياه يا اولى الالباب) اى اننى لن اقول لك ماذا انت فاعل لو كانت امك او اختك او بنتك او زوجتك او اى من اقاربك فى هذا الموقف لان هذا سوف يحدث بالفعل لاى منهم لكى ينتقم منك الجباروسوف تكوا بنفس النار التى تكوى به الاخرين

اما الشى الثانى وهو ان الله سبحانه وتعالى يغفر كل الزنوب الا ان يشرك به وما اقترفته فى حق الاخرين اىانك اذا اخطات فى حق احد واستغفرت بقيه عمرك لهذاالزنب لن يغفر لك حتى يسامحك هذا الشخص فيما ازنبت فى حقه

اما الشى الثالث اما تستحى وانت تبسط يدك بسؤ الى هذه الانثى اما تستحى من الله اما تستحى من نفسك ان لم تستحى من نفسك فانت لست برجل لان الرجال هم من يحملون صفات الشجاعه والمرؤه والشرف وما انت فى هذا الموقف الا بجبان سافل منحط الصفات والاوصاف تريد ان تنول ما تتطلع اليه دون التفكير فى اى شى سوى مرادك الدنى اى ان كل معانى الانانيه تجسدت فى شخصك

اما اشى الرابع هو اما فكرت مره ما اثر ماتفعله على الطرف الاخر اما فكرت انك تسبب الم لكل من تعتدى عليها اما فكرت فى انها انسانه او بمعنى ادق ادميه لم تقترف زنبا ولا خطا لكى يكون كل هذا الالم والسى من نصيبها ليس بزنب من زنوبها ان الله خلقها انثى

اما الشى الاخير ماذا انت فاعل اذا قبض الله روحك وانت فى هذا الموقف الموخذى تصور نفسك وانت تبعث يوم القبامه على هذه الحاله تصور انك حينها سوف تكون خسرت دنياك واخرتك وتذكر وقفتك بين يدى المولى عز وجل وهو يسالك عن كل هذاوتذكر انها اما نار ابدا اوجنه ابدا

وكما قال الشاعر

القلب ينشط للقبيح وكام ينام عن الحسن

يا نفس ويحك ما الذى يرضيكى فى دنيا العفن

اولى بنا سفك الدموع وان يجلبنا الحزن

اولى بنا ان رعوى اولى بنا لبس الكفن

اولى بنا قتل الهوى بالصبر اصبح كالوثن

فامامنا سفر بعيد بعده ياتى السكن

اما الى نار الجحيم او الجنان جنان عدن

واخيرا اقول لك اتقى الله فى نفسك فاليوم عمل بلا حساب وغدا حساب بلا عمل

والحمد لله الذى برحمته تتم الصالحات

اّمان يا مصر

طبعا انا لو قعت اكتب فى الموضوع ده شهوروشهور مش هخلصو بس انا هاقول لكم على موقف اتجسد فيه كل معانى الكلمات وسيب التعليق ليكم
من فتره مش بعيده حوالى 6اشهر وقع حادث فى منطقه بين السرايات واللى هى فى وش الجامعه وبالخصوص الشارع اللى ادام رئسه حى الدقى
المهم
الى حصل ان كان فى واحد شاب ماشى هو ومراتو وابنه فى الشارع ده مروحين باليل وكان واقف على الناصيه شويه شباب بيشربو بانجو وزفت الطين (جنب حى الدقى بانجو عادى)المهم زى ماتقولو الزوجه حليت فى عنيهم وقرارو ان هما يعتدو عليها مترددوش وراحو اعدو يشدوها من هدومها وطبعا جوزها مسكتش بس كان نصيبو سكينه اتزرعت فى قلبو وبردو اغتصبو مراتو ادم ابنها وجوزها اللى بيموت وهربو وطبعا الراجل الطيب مات وهو بيدافع عن مراتو...............ء
بالله عليكم كم يستغرق من الوقت موضوع زى ده
والشرطه طبعا نيمه لاكن لو فى حاجه فى الجامعه الاف العساكر بيترصو فى الشارع مستنين الاشاره
عجبى

الاخوان وبين الدين والسياسه شتان

مش هاتكلم طبعا عن تاريخ ولا نشاة جماعه الاخوان المسلمين لان الموضوع مش محتاج لت وعجن المهم المشكله بتتلخص فى سؤال واحد وهو:هل الاخوان المسلمين جماعه دينيه ام سياسيه؟
وبينهما شتان فكيف تكون جماعه دينيه قائمه على الاخاء الدينى بين المسلمين وفى نفس الوقت كل اهدافها سياسيه ! ء
فكيف يكون الرسول صلى الله عليه وسلم قدوتهم ويتركون سننه من باب المكراهون وفى نفس الوقت يقومون بعرض قتالى فى جامعه الازهر اليس فى هذا اى استفذاذ للعقول
بل ليس هذا فحسب فقد قال احد كوادرهم (وما الوطن الا حفنه من تراب عفن وما الدم الا قطرات من سائل متعفن فلارابطه الدم ولارابطه الوطن ولكن تبقى رابطه العقيده) ولعل هذه المقوله تجعلنا نتسائل ماذا يريد الاخوان

هذا لايعد نقدا او تهاجما ولكنه وان صح التعبير وجهة نظر

الالعانات

قالو زمان ان الاعلام مراّة الشعوب بس الظاهر ان الكلام بتاع الناس دول مبينفعش معانا احنا كمصرين يعنى سياتك
لوفتحت الراديو او التلفيزيون هاتلاقى الاعلانات مليا الاذاعات والترددات وكأن المصرين خلاص مش عارفين يودو الفلوس فين الامر من كدا ان 90% من الاعلانات عن ادويه الخصوبه والضعف الجنسى و10% الباقين عن الاوقيه الذكريه
وكأن المصريين نصهم عندو ضعف جنسى والنص التانى خارق للطبيعه وان كل المشاكل الاقتصاديه والسياسيه اتحلت ومش ناقص غير مشاكلهم الجنسيه