طول عمرى شايف نفسى البنى ادم الناجح اللى بيوصل للى هو عايزو مهما كان او مهما حصل ديما واثق من نفسى من خطواتى حركاتى همساتى حتى انفاسى كانت بتاتسم بنفس الثقه اللى كانت نبعه من ايمانى بنفسى وقدراتى وكنت ببص للناس الهايفه او الفشله او بختصار اللى عايشين مسيرين يعنى اى حاجه حواليهم بتتحكم فيهم على انهم قاعدين جوه برطمان ازاز متكاربسين فوق بعض او كل واحد فى برطمان متفرقش المهم انهم فى البرطمان وكنت بشفهم كده علشان اللى جوه برطمان ده مبيسمعش اى حاجه بتحصل حواليه وبيشوف كل العالم من حواليه بيتحرك وهو مش اقدر اومش عايز يعمل حاجه وطبعا هو شايف ان لو جه حد وشاط البرطمان او اقعد يزقه يمين وشمال هو ميقدرش يعملو حاجه لانو محبوس جوه البرطمان
ده كان زمان اما دلوقتى انابقى زى الشاطر جبت برطمان جامد ورحت قاعد فيه وبقيت سلبى للغايه ولا اتحرك الا داخل برطمانى الجديد ولاافعل اى شى سوى السلبيه وتبقى الاسباب والدوافع دافينه عقلى الباطن والى ان يتم استخراج تلك الاسباب والدوافع من عقلى ومعالجتها سوف اظل حبيس البرطمان وديه اول رساله من جوه البرطمان
ده كان زمان اما دلوقتى انابقى زى الشاطر جبت برطمان جامد ورحت قاعد فيه وبقيت سلبى للغايه ولا اتحرك الا داخل برطمانى الجديد ولاافعل اى شى سوى السلبيه وتبقى الاسباب والدوافع دافينه عقلى الباطن والى ان يتم استخراج تلك الاسباب والدوافع من عقلى ومعالجتها سوف اظل حبيس البرطمان وديه اول رساله من جوه البرطمان
4 comments:
اناعارفه ان التوبيك ده قديم
بس فعلا شدتنى حتة انك كنت الاول بتبص لناس اللى ماشين بالبركة على انهم فاشلين وانهم حاطين نفسهم جوا البرطمان
بس تفتكر هما محطوطين بمزاجهم لا بالعكس
حاجات كتير بتجبرهم انهم يحطوا نفسهم جوا بير ويقفلوا على نفسهم مش برطمان
عارف انت لما كل حاجه تبقى مقفله فوشك وكل حد تلاقيه بيبعك وانت ما قدمتلهوش غير كل خير
وانت كنت زمااان ما بتفرقش معاك اصلا
بس من كتر الصدمات تبقى عايز فعلا تبعد
عايز تتقوقع او تبقى لواحدك جوا برطمانك
عشان ما حدش يتعامل معاك
عشان بقى هوا ده الحال
هتقولى اه بيبقى سلبى واللى حواليه بيتحكموا فيه وفبرطمانه ده
هاقولك ما عدتش فارقه
طالما ما بقاش فى حد بيراعى حد طالما انت طووول عمرك كنت متفقائل
وبتعمل اللى عليك وفالاخر ما بتوصلش لشئ
يبقى ليه ما تبقاش جوا برطمان
يبقى ليه تطلع وتندمج مع اللى حواليك
حلو البرطمان
بس لو لقيت شئ اتغير
اوعى تفضل فيه
اكسره احسن تنسى وتفتكر انك وحيد فالدنيا
بس اعمل كده لوفعلا جد جديد
كالعاده تعليق صغير على كلامك انا شايف ان انا بعمل اللى عايز اعمله مهما كان اللى حوليا بمعنى ان الظروف دى والمعمقات اتخلقت علشان الانسان يتحدها وينتصر عاليها ومره هى تنتصر عاليه وبين كدا وكدا هى دى الحياه
ماشى هيتحدها ويحاربها ويطلع عينه
عشان ينتصر عليها
بس كل ما بيتقدم خطوة بيلاقى اللى بيرجعه الف خطوة تانية ورا
يعنى هيقول زى ما عمنا سعد ما قال
ما فيش فايدة
ويفضل جوا برطمانه عايش فالغيبوبة
لان خالاص امن من جواه انو ما باقش فى فايدة من اللى بيعمله
انت بتقول باعمل اللى انا عايزه مهما كان اللى حواليا
ازاى
برده مهما كان هتحاول تفكر فاللى حواليك وتتحداها وتحاربها زى ما بتقول
ومرة تنتصر دا لونفع يعنى
ومرة هى تنتصر عليك
طب افرض بقى ولاى مرة انتصرت
تفتكر هيفضل عندك امل وفيك نفس
تفضل تتحدى
ولا هتأمن بالامر الواقع وتدخل مع زمايلك البرطمان
ولا ايه؟
طب ما زى ما عمنا وعم الكل سعد قال مفيش فايده فى غيره قال لا ياس مع الحياه ولا حياه مع الياس ولا ايه ممكن نتكسر نحبط تسود الدنيا فى عنينا بس ده ما يمنعش اننا نقوم تانى ونحاول وزى ما قال اسمه ايه اذا كان قدرنا ان نموت فا الاشجار تموت وهى واقفه ولا ايه
Post a Comment